「電台」
有時返工悶悶地通常都會聽歌或者聽電台節目。當然聽電台節目都係上網或者用手機程式去聽，因為一來有誤會影響到人，二來又唔會太過影響工作。不過有時有啲環節真係好好笑，就算做緊嘢都忍唔著笑咗出嚟。除此之外電台節目通常都有新聞環節，藉此可以知道世界發生緊啲乜嘢事。自己以前返工就已經好習慣聽著做嘢，因為其實自己會專心啲！
「環節」
唔知有幾多人平時返工會聽收音機？如果有嘅話又有幾多人會聽「早霸王」呢？相信如果有聽開森美，小儀嘅節目都知道每逢星期五最尾有一個環節，個環節叫做《你知道唔知道有人掛住你》。嚟個環節係俾聽眾打電話上去個節目，將自己掛住嘅個名話俾森美小儀知之後，佢哋再打電話俾嗰個人同要對方估下邊個掛住佢。好多人都藉此節目去表達愛意，而不時都掀起熱話。
「阿希」
約八年前一名自稱「管家婆」嘅男聽眾，打電話上電台希望可以幫佢向阿希表白。由於「阿希」個名比較中性，相信當時森美同小儀並未諗過「管家婆」嘅對象係一個男仔。森美同小儀接通阿希嘅電話，聽到一把男聲，森美語帶猶豫咁問「你係阿希呀？」，對方回應佢係阿希。可能當時森美仍然感到傻傻分不清，於是兩度係電話追問男子係唔係阿希，對方亦表示無誤。
Also published on Medium.
