「親子」
而家係香港真係越嚟越多所謂嘅親子餐廳同室內遊戲室。當然係香港係有一個好龐大嘅市場，因為香港嘅地方細，可以去俾小朋友玩嘅地方亦都唔足夠。如果天氣唔好嘅話，室內嘅活動場所亦都唔多選擇。所以好多人都睇中嚟過市場，因此越嚟越多人開嚟啲親子餐廳同活動空間。不過相信好快就會出現一個爆破潮，因為突然有太多人進入同一個市場，如果經營唔好嘅話相信好快就會被淘汰！
「原因」
點解咁多家長鍾意去親子餐廳或者遊戲室？答案其實真係好簡單，因為香港真係無乜地方去，而且小朋友係需要地方去玩。如果好天嘅話都仲可以去啲郊外嘅地方，但係天氣一唔好嘅話就真係唔知去邊。所以點解啲家長鍾意去室內嘅親子餐廳同遊戲室係因為一來可以同朋友食下嘢，二來自己嘅小朋友又可以有一個相對安全嘅地方玩，一舉兩得！
「質素」
不過有時啲收費真係嚇死你，其實有時真係唔係價錢嘅問題，反而係啲質素嘅問題比較嚴重。就例如食物，因為好多都要強制你食嘢，只不過好多都好難食。與此同時衛生係好緊要，因為室內嘅環境其實好容易傳播疾病。所以有時都擔心去嚟啲室內遊樂場，因為郭大少真係曾經因為去完之後病咗入咗醫院。不過最擔心嘅係有無人去睇住啲小朋友，真係見過啲家長理都唔理自己嘅小朋友，由得佢哋亂咁嚟。雖然話你都俾咗錢入去，但係都無可能唔看管自己嘅小朋友！
Also published on Medium.
