「逆境」
唔捱過係唔會成長！逆境係難，但係捱得過就係另一個世界。當然唔係個個人都承受到嗰種壓力，而經歷過嘅人就會明白所有嘢唔係理所當然，人生嘅高低起跌係一種考驗！路係自己揀嘅，結果亦都係應該自己去承擔，就算到最後都係注定失敗嘅話，最起碼自己經歷過。以為自己已經捱過最差嘅時候，點知今年係人生入面最難捱嘅一年。多謝相信我嘅朋友們，感謝有你地嘅信任同支持！
「辛苦」
今年係可以用捱去形容，好耐無試過捱得咁辛苦。人生總有捱嘅時候，而當你捱得過嘅話，明天又會係新嘅一天。只要唔好放棄，幾難捱嘅日子都可以捱得過。好多時表面上好似無乜嘢，但係心底裏其實係另一回事。終於等到一個好消息，一個可以令自己鬆一口氣嘅消息。再一次證明堅持係有回報，雖然唔可以話有啲乜嘢大嘅進步，但係至少可以令自己放下心頭大石。
「曙光」
當然一日未落實一日都係到擔心，但係當落實咗之後係唔係就代表捱完？好明顯唔係，只係可以暫時舒緩問題。長遠仍然有好多嘢要解決，但係最起碼可以將自己嘅思維重拾正軌，從新諗下之後應該點做。過去一年基本上無時間去俾自己諗下一啲長遠嘅計劃，因為每一都有唔同嘅問題發生，每日都只係想解決當日嘅問題。每日都會問自己應該點做，而慶幸終於等到曙光！
Also published on Medium.
