「標誌」
相信大家日常都會接觸到唔同公司嘅標誌，只不過有幾多人會知道標誌背後嘅意思？當然好多時都要問下設計師點解會有咁嘅設計。人一般處理圖像比較快，所以係生活上好多嘅嘢都會利用標誌嚟代替文字。我哋最常接觸嘅就一定係路牌，好多一睇就明白當中嘅意思。當然有時亦都會遇到一啲比較差嘅設計，除咗無達到標誌嘅目的，反而更能原本嘅意思更加混淆。
「設計」
標誌分為三大類，淨圖案，淨文字以及圖文嘅。當然標誌係可以用嚟代表一個人，團體，公司，但係要設計出一個好嘅標誌，其實唔係一件簡單嘅事。又要有故仔，又要有意思，所以要設計出一個令人印象深刻嘅標誌係需要心機同時間。大家最記得嘅標誌會係啲乜嘢，而其實你又知唔知背後或者有其他嘅意思。如果有日有人同你講，佢哋見過你公司嘅標誌，其實就已經達到目的。
「原則」
要設計出一個優秀嘅標誌其實係有技巧，一般都會用以下原則。首先標誌當然係要簡潔易明，除咗要考慮彩色嘅情況下要靚之外，其實仲要考慮係黑白層面可唔可以好清晰咁顯示出嚟。當然而家有好多唔同嘅數碼媒體，所以仲要考慮唔同嘅尺寸可唔可以有效咁顯示出嚟，因此好多用文字做嘅標誌未必係一個好嘅選擇。當然標誌最緊要嘅就係能夠充分展示公司嘅業務同性質。
Also published on Medium.
