「揸車」
其實香港好多車都係假日車，除咗假日同大時大節之外，嗰啲車真係只會泊係停車場。如果真係計日日揸嘅車，其實又會有幾多？會唔會得返註冊咗嘅一半？所以有好多車出咗幾年，行車里數十分之少，而最大機會嘅係因為架車係假日車。當然係香港有車係方便啲，尤其有小朋友嘅家庭，有時想去遠啲嘅地方都相對比較容易，而且小朋友同大人亦都無咁辛苦。
「假日」
有時都真係好怕假期揸車，因為真係實在有太多人考咗個牌之後，一年都只係揸得嗰幾日。甚至乎有時幾年都唔揸一次！當然唔係話歧視佢哋，但係好多時就係因為路面經驗少，好容易導致交通意外。不過真係有幾多人係香港會日日揸車返工放工？而買車嘅原因其實都係因為家庭嘅需要居多。係香港揸車最頭痛就係泊位，尤其係一啲旺區！就算有停車場都好，一般收費都住起碼廿幾蚊以上一個鐘。
「經驗」
當然就唔係話揸車經驗少嘅人就一定會導致交通意外，因為算揸咗好多年車嘅人都會。睇下啲職業司機就知道啦！有時佢哋以為自己好醒，點知好多時出事嘅亦都係佢哋。不過如果真係好耐無揸車嘅話，講真係需要練習下先。與此同時真係要做定功課會揸去邊，有時啲意外係因為晤熟路，而因為錯過咗某啲路口突然轉線導致意外發生。香港有啲路有真係幾煩，要去某啲地方如果行錯咗又真係無得返轉頭。
Also published on Medium.
