「創業」
做生意就一定會遇到唔同嘅競爭對手，所以要保持自己公司嘅競爭力通常除咗係產品開發之外，服務質素，以及員工都有需要不斷進步。就算今日你係業界龍頭，唔排除過幾年之後就無晒競爭力。係現實當中，有好多公司其實都出現過同樣嘅問題。就算俾你搵到個藍海又點，如果固步自封，沉醉係自己嘅世界，到最後個結果只有一個，就係註定失敗。
「競爭」
競爭力究竟係啲乜嘢？好多時都會係由人出發，因為競爭力係由唔同嘅技能結合起嚟而產生出來嘅一種能力。當然每個人都會有自己嘅競爭力，而大家通常都會同學業成績掛勾，不過除咗學業之外，其實仲有好多唔同嘅元素。其中一個指標就係自己嘅身家！除非你係自己創業，如果唔係每個人都有佢自己嘅價值，而嚟啲價值最直接反映係每個人嘅人工入面。
「淘汰」
如果唔想俾人淘汰，其實係需要不斷去學習。就算唔係自己嘅專長都好，其實係有必要去學。不論你係唔係專業人士，要保持自己嘅競爭力嘅其中一個重點就係要與時並進。如果樣樣嘢都只係停留係十幾年前嘅話，唔去了解而家嘅市場情況，其實慢慢就會失去競爭力，最嚴重嘅就係被淘汰。依家科技發達，所以未來唔單止係靠人嘅能力，而且需要配合唔同嘅科技同程式！
Also published on Medium.
