「生意」
好多人會問創業同做生意嘅分別係啲乜？我個人嘅理解係創業都係一盤生意，但係好多時都係希望去改變現今社會，與此同時好多嘢係由零開始。而做生意其實可以係一啲已經成熟嘅行業，就例如賣衫，做飲食咁，其實唔係一啲乜嘢嘅新嘢，亦都唔會對社會帶嚟啲乜嘢改變。當然到最後創業都係一盤生意，都係要賺錢，而做多時做大咗之後有可能忘記當初點解要創業。
「創業」
當然大家都知道創業嘅失敗率有幾高！但係有啲人一生就係不斷創業再創業，而點解佢哋不斷創業？其實除咗錢之外，有好多人都有一個抱負，有啲係希望可以改變世界，有啲係希望解決某啲問題。無論係點創業係需要勇氣，過程嘅高低起跌係一個人生嘅經歷，就算最後失敗又如何，因為有啲嘢係用錢都買唔到嘅。如果創業者係甘於現狀嘅話，咁就唔叫咗創業啦！
「為乜」
好多時啲人話創業應該越後生越好，因為無包袱，無負擔，而某程度上係嘅。只不過有時如果係啲唔同大小嘅公司返工嘅話，其實又會學到唔少嘅嘢，到之後再創業嘅時候有好多嘢就自然簡單好多。當然每個人嘅創業路都好唔同，而我當然無諗過會再創業，因為畢竟自己係離開職場前其實已經做得唔錯。有時都會諗點解有自唔在，攞苦嚟辛，而為嘅就係希望做到啲嘢，
Also published on Medium.
