「漫畫」
細個嘅時候好多時都係睇卡通片，但係就唔知原來卡通片其實好多時都係因為有漫畫先。香港真係少咗好多淨係賣漫畫嘅商店，而最近期睇過嘅漫畫應該係進擊的巨人。當然唔同人有唔同嘅喜好，有啲鍾意睇美國嘅漫畫，有啲就鍾意睇日本嘅，當然仲有香港本地嘅漫畫啦！好多時漫畫都係虛構出嚟，不過有時亦都有啲係反映當時嘅社會文化，就好似大家熟悉嘅老夫子。
「習慣」
相信好多香港人都有睇漫畫嘅習慣，而屋企總會有一兩本漫畫係度。不過依家仲有幾多人有儲漫畫嘅習慣呢？自己唯一一套最齊全嘅漫畫應該係龍珠，其他嘅都係以前同學互相之間借嚟睇。感覺上好似而家啲小朋友好少睇漫畫，就算係睇都有可能上網去睇。不過人大咗就真係好少睇漫畫，真係唔知依家興啲乜！唔知大家依家係屋企仲有邊套漫畫呢？你又鍾意邊一套漫畫？
「篇幅」
其實漫畫有分好多種唔同嘅篇幅方法，包括「單幅漫畫」：只由單獨一幅圖畫而成。「多格漫畫」：由多格圖畫組成。最常見嘅有三格、四格、六格漫畫，其餘二格、八格、十二格等都好常見。「短篇漫畫」：篇幅較短嘅漫畫作品。如果係雜誌上登載嘅話，一般當期就會結束。「短期集中連載」：篇幅較長嘅漫畫作品，無法一次刊行完畢，需要連載幾期，但一般沒辦法到達能出單行本嘅頁數。「長篇連載」：長期推出嘅漫畫作品，可以連載數年甚至數十年。
Also published on Medium.
