「日食」
日食，又可以寫成日蝕，係一種天文現象。日食出現嘅原因係月球運行至太陽同地球之間所產生嘅現像。當月球處於太陽前方，太陽部分或全部光線被擋住嘅時候，睇落好似太陽嘅一部分或全部消失咗咁。日食分為三種，包括日全食，日環食，日偏食，其中較罕見嘅係全環食，因為要地球表面同月球本影尖端非常接近嘅情形下先至會出現。所以日全食經常吸引好多遊客同天文愛好者特登去睇日全食。
「罕見」
今次美國嘅日全食係九十九年嚟嘅第一次，因為今次嘅日全食係首次橫跨美國嘅東西兩岸！其實要睇到日全食嘅機會真係好難得，有啲人一世都未必睇到一次！今次係百年一遇嘅天文奇觀，其中鑽石環效應最受大家矚目。鑽石環效應出現於大約日全食前嘅最後一刻都唔日全食後嘅第一刻，當太陽被月球大部分遮蔽嘅時候，太陽光會好似一粒鑽石咁從單一方向照耀。
「過程」
日全食觀測嘅過程包括五大階段。
「初虧」：因月球由西向東繞地球公轉，當月球東沿相切於太陽西沿，日食正式開始，太陽開始出現虧損。
「食既」：月球繼續向東運行，當東沿相切於太陽東沿時，太陽完全被月球遮擋，光線完全被吞食，稱為食既。日全食開始。
「食甚」：當月球東移至中心與太陽中心重合嘅位置，日全食達到極點，稱為食甚。
「生光」：月球繼續東移，當西沿相切於太陽西沿，太陽開始露出，光芒開始重現，稱為生光。日全食結束。
「復圓」：生光後月球遮擋太陽越來越少，當月球西沿相切於太陽東沿，太陽圓盤形狀完全恢復，整個日食過程結束
Also published on Medium.
