「一地」
一地兩檢係指抵達地同出發地嘅邊境管制人員於同一地點或同一運載工具，分別辦理跨境旅客嘅出入境同檢疫等手續。香港政府表示高鐵嘅一地兩檢嘅實行方式會同香港政府係深圳灣口岸嘅模式相似。深圳灣口岸係目前內地同香港之間唯一實施一地兩檢嘅口岸，香港政府向深圳租用土地作為口岸，係深圳境內實施香港法律。而香港西九龍高鐵站嘅入境層同離境層嘅部分區域同月台都係屬於內地口岸區。
「兩檢」
仲以為政府有乜嘢方案，到頭來一地兩檢都係要係高鐵香港站入面劃分一個地方出嚟做檢疫同出入境嘅手續。而問題就係點解無啦啦係香港嘅市中心入面會有一個地方會變成邊界？咁係唔係代表一上咗高鐵就已經係進入咗中國嘅範圍？換而之你一過咗中國海關之後，就代表你已經係中國唔係香港。咁除咗路軌屬於香港之外，其實只要你上咗車，就算你係香港範圍都無用，因為你已經入咗境！
「方案」
嚟個方案都真係有啲難理解，因為你係香港但係其實你唔係香港。咁仲唔係精神分裂？另外係個管轄區入面，內地官員係有執法嘅權力，如果你過關之後，老實講佢哋對你做乜都已經唔關香港事，但係你要記住其實你仲係香港。所以呢個方案根本就係唯一嘅方案，因為如果你哋清楚啲，其實起高鐵站嘅時候都已經設計好。其實而家真係夾你同意，你反對都無用！
Also published on Medium.
