「遼寧」
遼寧艦係由前蘇聯航空母艦瓦良格號改建而成。因為當年蘇聯解體，俄羅斯因為經濟問題無法同烏克蘭達成繼續建造嘅協議，瓦良格號正式退出俄羅斯海軍編制。俄羅斯拆除部分裝備之後就以償還債務嘅名義將瓦良格號交予烏克蘭。之後烏克蘭將瓦良格號出售，而中國當時就已二千萬美金買咗瓦良格號同三十幾萬張設計圖。直至二零零二年嘅三月先至到達大連港。
「航母」
有人或者覺得今次中國第一艘航空母艦遼寧號訪港有啲勞師動眾，因為其實香港間唔中都有航空母艦訪問香港。如果係另一方面睇，雖然係一隻翻新嘅舊航空母艦，但係對於中國嘅海上軍事角度嚟講係一個新嘅里程碑。中國其實係有足夠嘅能力去研發同建造航空母艦，而第二艘航母嘅設計同建造係吸收咗遼寧艦嘅經驗之後，再進行改良。相信戰鬥能力會比遼寧艦更高！
「歷史」
其實全球唔係好多國家有航空母艦，當然如果大家有睇歷史嘅話，鄭和嘅船隊應該係十五世紀世界上規模最大，船隻最多，技術最先進嘅船隊。每次出海都有二百幾艘船，而當中最巨型嘅寶船係船隊中最大。長約一百三十八米，寬約五十六米，可載八百人，亦係當時世界上最大嘅木帆船。所以中國嘅海上軍事實力其實係好多年前就有，而家只不過係重新出發。
Also published on Medium.
