「家庭」
係香港好多人都會忽略咗家庭暴力嘅問題。而香港的情況嚴重嗎？據政府統計，係二零一七年一月至三月新呈報嘅虐兒個案就已經有二百五十六宗！如果對一歲或以下嘅幼兒大力搖晃，拋接，撞擊，會引致搖晃症，嚴重嘅係會導致失明，癱瘓，意識受損等永久性傷害。而如果對小朋友施暴嘅話，除咗手腳及腦部受損之外亦有可能會傷及內臟。如果大家身邊發生任何嘅家庭暴力，記得一定要舉報！
「虐待」
其實真係好難想像點解有人可以虐待小朋友，尤其嗰個係自己嘅親生骨肉！相信好多人近日都留意到網上流傳嘅一條虐兒嘅短片，雖然條短片證實咗係一年前被偷拍，而直至近日先至俾人公開。只不過點解可以對一個仲著住尿片嘅小朋友拳打腳踢？如果你睇過條片嘅話，你一定都會睇到好嬲！點解可以咁樣對待一個小朋友？而暴力行為會孩子帶嚟嚴重嘅創傷，而大家亦都應該正視家庭暴力嚟個問題。
「傷害」
當然身體嘅傷害會隨著時間而痊癒，但心靈嘅創傷係不容忽視。如果小朋友自小係暴力下成長，首先會令小朋友對人失去信心。係性格嘅建立上亦會出現問題，因為佢哋會失去對人嘅信任。受害嘅小朋友係返學嘅時候會作出唔同嘅反應，有眼啲會變好怕人唔願意同其他人接觸，遇到問題亦唔敢出聲。另一方面，有啲小朋友會變得過份熱情，因為佢哋係父母身上得唔到到關懷同愛。而亦有啲小朋友就會以暴易暴，用暴力解決問題。
Also published on Medium.
