「指標」
每間公司都會定立唔同嘅指標，只不過指標嘅意義係啲乜？係唔係所有嘢都指標化就一定成功？當然定立指標係為咗公司上下有一個統一嘅方法去量度業務嘅情況，等員工有一個清晰嘅目標。有時有指標係一件好事，不過有時如果有太多指標，或者已經違背定立指標嘅原意，甚至乎有機會走火入魔。只不過要適當使用數據，同定立有用嘅指標其實係一件幾難嘅事！
「數據」
如果一講到數據分析，大家都一定會用唔同嘅數據作為指標去量度策略同業務嘅表現。但係邊啲指標先至係幫到你？好多時見到一啲企業所訂立嘅指標其實一啲實際價值都無，幫唔到日常營運之餘，如果用錯指標分分鐘令公司走上不歸路！其實訂立嚟啲指標係話俾我哋聽大環境嘅趨勢，當察覺有異樣就可以迅速搵到問題嘅根源，唔洗浪費時間。與此同時要每幾個月就要睇下啲指標仲符唔符合當其時嘅營運環境。
「負累」
點樣用數據去賺錢同慳錢其實係一門學問。曾經有人討論過無指標嘅好處，但係如果你要管理一個龐大嘅團隊嘅時候，定立指標係為咗有規範咁管理團隊同業務。有無指標唔係係最大嘅問題，問題在於數據係死，人係生！數據唔係萬能，只不過無數據就萬萬不能。只不過有啲人會按指標辦事，唔識得靈活變通，弄巧反拙。就算原本係一件好事都會慢慢變成負累。
Also published on Medium.
