「熱誠」
有一份高薪厚職唔去做，就去創業希望改變市場，希望有突破。當初嘅一份熱誠竟然變成自己嘅負累！相信好多人都有試過！有啲人會怪市場，有啲人會怪時機，我只會怪自己！因為無做好自己！就算幾有熱誠，面對不斷嘅挫折，不斷嘅失敗，終有一日係會將嗰份熱誠磨滅。當然回望過去，自己有無揀錯？點解唔輕輕鬆鬆，自自在在咁過每一日？嚟啲問題不斷係腦入面出現！
「疲累」
究竟係自己嘅熱誠不再，定係已經身心疲累？我相信係後者！不斷重複同樣嘅情況其實真係好厭惡，心懷大志希望可以做啲嘢去嘗試改變，但係點都改變唔到大環境。開發藍海係一件幾艱辛嘅事，如果自己唔去開發，邊個會去幫你？只不過一年又一年咁過去，有時會開始質疑自己。當然自己好失望，但係更失望嘅係因為個城市毫無進步！所以真係對嚟個城市有少少心灰意冷嘅感覺！
「起點」
自己七年前嘅目標都今日都仍未實現，高低起跌在所難免。有乜嘢風浪未見過，只不過環境改變咗，心態改變咗，顧慮多咗！有啲人一等就等十年，但係自問到七年就已經開始質疑，亦都會不斷問等唔等？我係一個唔鍾意等嘅人，所以先至去開發，只不過感覺係行一步，退兩步！不單止回歸起點甚至乎在倒退，所以再一次問自己究竟自己想要啲乜！因為終點亦都係起點！
Also published on Medium.
