「懷念」
不少人希望藉愚人節嚟為大家開玩笑，但係有時玩笑開得太大，卻會適得其反。係二零零三年著名香港歌影藝人張國榮係香港文華東方酒店跳樓自殺，當年嚟一則死訊因為係愚人節發生，所以消息雖然係網上廣泛流傳，但係一度被人認為係不可能發生嘅惡作劇。直至到主流媒體報導有關新聞，大家先至發覺消息屬實。隨即帶來娛樂圈，樂壇同香港以至各地華人嘅震撼，好多人都覺得事件令人難以置信。
「真假」
其實而家唔係淨係愚人節先至會有人開玩笑，但係相信今日大家或多或少都中咗招！所以愚人節，認真就輸了！而今年亦都一如以往，有好多唔同嘅公司都走出嚟玩埋一份！當中有啲好明顯係同大家開玩笑，但係亦有啲你會有一刻覺得真係又可能真。係愚人節真係唔知啲言論幾時真，幾時假。更何況平時係網上面已經有好多假嘅消息，所以認真之前都係建議大家做少少資料搜查。
「愚人」
唔知大家今年最鐘意係邊間公司同你開嘅玩笑？當然如果個玩笑開得太大嘅話真係有可能引起社會問題，所以真係要適可而止！有時自己都唔記得咗愚人節，而講真有啲朋友發佈嘅訊息你真係以為係真，事關佢哋好少講少，點知係愚人節連佢哋都搵埋一份！所以話，依家嘅網絡世界都真係唔好咁認真好！與此同時真係實在有太多假嘅訊息，要真係花少少時間去辨認佢哋嘅真確性，勿跟車太貼！
Also published on Medium.
