「薯片」
今晚薯片叔叔真係不斷擊倒奶媽，單單話奶媽係網上直播嘅「嬲嬲」已經上到鼻就已經笑到碌地！再加上之前奶媽話如果民意唔支持自己嘅話就會辭職，所以薯片就用最新嘅民調狙擊奶媽，而最新嘅唔支持率係百分之四十五，即係未上任淨值已經負數，問佢係唔係應該考慮退選。當然奶媽又走出嚟認叻話某個民意調查話佢已經超越薯片！其實邊有可能呀？所以薯片即刻反問奶媽佢竟然相信嗰個調查！
「奶媽」
至於奶媽嘅表現真係可以用霸道去形容！乜嘢叫做我主場？人哋回答你嘅問題，你又要岔亂歌柄唔比人講，真係同係街市嗌交冇乜分別！再講多兩講直頭要主持息咗人哋個咪，真係離晒譜。嚟個係論壇，如果唔比人講嘢咁又點解叫做論壇呢？如果你真係當選，唔好唔記得你自己講過「如果香港人主流意見令我無辦法再擔任行政長官，我會辭職！」，因為到時你一定話乜嘢能夠代表主流！原本又話辭職，而家就無啦啦話自己想服務多五年，乜都你講晒啦！
「胡官」
雖然大家都知道胡官都應該係陪跑多，但係今晚嘅論壇佢都真係相對比較失色。因為薯片大戰奶媽實在太好睇，胡官只可以喺度食下花生！不過佢提到橫洲事件「摸底」後消失了萬三公屋，政府對此決定竟全無紀錄，奶媽為何不須負責。當然奶媽就梗係將個波射向薯片啦，仲洗問嘅！而胡官就要求佢哋解釋削減萬三嘅決定，而如果唔知道原因就即係失職！
Also published on Medium.
