「營運」
好多時我教書嘅時候都會用便利店做唔欸同嘅例子，因為每個人一個星期入面都總會去過便利店幫襯。一而便利店嘅營運模式真係可以用係唔同嘅課題入面。例如店舖嘅分佈，營運模式，推廣模式，等等。不過除咗佢哋自身嘅業務之外，其實一間便利店就可以睇到香港嘅付款模式有幾落後。一個銷售點竟然有六七部機用嚟配合唔同嘅付款模式。而點解會有咁多嘢？原因好簡單，就係香港無一個統一嘅付款平台，搞到大家各自為政！
「便利」
相信大家好多時都會去便利店買嘢飲，而大部分嘅時間其實大家都知道要買啲乜。但係唔知點解大部份人一去到雪櫃前面都仲係要扮下嘢，諗一諗，睇一睇，然之後開門拎嘢飲。而當中我相信有九成以上嘅人都係買返同一樣嘢任。呢個係一個好得意嘅習慣，亦都係人嘅慣性。而便利店除咗因為仲有一間係你左右之外，其實佢哋係好清楚人嘅行為同慣性。貨物嘅選擇唔需要多，因為準確掌握客戶所需先至係重點。
「印花」
香港人其實仲有一個鍾意儲嘢同換嘢嘅習慣。點解？你睇下隔幾個月就有唔同嘢換你就知啦！係便利店嘅層面其實好簡單，佢哋只需要同唔同嘅品牌合作，之後再推出唔同嘅禮品，消費者就會因為儲多一個印花而去買多少少嘢。相信如果你有儲過印花，換過嘢嘅話，好多時差一個幾豪你會買多少少嘢。又或者因為買某啲產品會多一個印花。其實因為便利店睇到嚟個恆常嘅行為所以就不斷有類似嘅活動。
Also published on Medium.
