要監管

「人工」

近年好多人都喺度討論人工智能嚟種科技，當然人工智能係可以解決好多人類生活上嘅問題。雖然人工智能嘅發展仲有一段好漫長嘅路，但係其實有無諗過如果一旦發生任何問題嘅話，後果會有幾嚴重？當然你可以話有無咁誇張，但係如果真係發生好似啲電影入面嘅情節嘅話，你又會點？所以係人工智能嘅發展初期，係有必要立法去監管人工智能嘅開發同應用！

「智能」

人工智能係一把雙刃刀，佢可以改變世界但係與此同時亦都可以危害世界。當然嚟個唔係一個好難明嘅議題，因為相信大家都有睇過一啲有關人工智能嘅科幻電影。唔好以為嗰啲故事唔會發生係現實生活入面，其實係相當之有可能發生。所以最近係一個人工智能嘅會議入面提出「人工智能廿三條」嘅原則，力求確保人工智能可以穩健發展，以及防範潛在嘅安全，經濟通道德問題！

「原則」

會議邀請咗唔同領域嘅專家討論人工智能嘅安全，經濟和道德等議題！「人工智能廿三條」主要分為三大部份，「研究開發」，「道德及價值觀」，「長遠問題」。而廿三條開發人工智能的原則亦獲得好多人嘅支持，當中包括霍金，馬斯克等。正所謂防範於未然，如果唔想好似啲電影入面所出現嘅畫面，人工智能係需要監管，一旦被誤用嘅話，效果真係可以話不堪設想！

Also published on Medium.