「討論」
近排同好多人討論得最多嘅就係人工智能，自動化，程序化,虛擬化，實景化，等等嘅議題。不過老實講究竟有幾多人真係明白點樣去應用？尤其係好多人會問如果自動化咗嘅話咁係唔係會取代咗自己大部份嘅工作？咁好明顯點解好多公司想將更多嘅嘢自動化，因為可以將原本濕碎，繁複，厭惡嘅工作全部自動化，咁就可以等員工有更多時間去做一啲更有意義嘅嘢，乜唔係仲好咩？不過要係一間公司實行自動化真係會遇到好多阻力！
「分別」
好多人其實都唔知乜嘢係人工智能，乜嘢係自動化同乜嘢係程序化！雖然三件事都係同程式有關，但係自動化係將一啲重覆嘅工作用程式取代，程序化係結合數據同分析再加以自動化去取代某啲工作，而人工智能係一個不斷自我學習嘅程式，基本上係須要人嘅智慧去編寫嘅程式。所以不論係邊一樣都係要有人編寫個程式先，而好多事同物係程式無法取代，所以其實大家係要增值自己等機器同程式去做一啲低價值嘅工作。
「取代」
其實冇嘢係可以取代人嘅大腦，就算程式可以慢慢學習，但係有好多嘢係需要人類去編寫。不過感情可以編寫出嚟嗎？創意可以編寫出嚟嗎？好多嘢始終係機械同程式唔可以取代。當然如果可以將大家最唔想做嘅嘢自動化嘅話，真係可以節省好多時間，而且可以避免人為嘅錯誤，所以其實有啲嘢無可避免。不過太過自動化亦會帶來反效果，所以都係嗰區，凡事唔好太盡，要識可而止呀！
Also published on Medium.
