「橫洲」
真係堅到無朋友，朱凱廸成為新一屆嘅票王之後自身安全成為問題，而個原因其實都幾明顯就係同新界嘅地皮有關。當然咁多年朱凱廸都有一直跟進，但係依家作為候任立法會議員，真係名正言順，搞到政府基本上係避無可避。今次嘅橫洲發展事件真係好好睇，因為過去幾年通常啲司長都會夾晒口供，但係今次竟然見到大家互相卸膊。一個話無參與會議，一個話無唔係小組成員，真係花生到呢！
「花生」
今次橫洲事件好明顯揭露咗政府入面嘅人事問題。相信咁多年嚟佢哋都忍一個人忍咗好耐，而藉著今次嘅土地發展問題同臨近特首選舉，相信今次特首都有排煩。當然最大嘅問題就係兩位重量級嘅司長都異口同聲話無份參與橫洲嘅發展，而究竟聽日個記者會會交代啲乜？至於點解特首主動成立橫洲工作小組？其實答案真係呼之欲出！如果你問我，我一定唔相信同佢嘅個人利益無關！
「關心」
老實講，係唔係今日先知道有問題？好明顯就唔係啦！香港人當然唔會主動關心嚟啲新聞，直至近日嘅射波事件，大家先至關心整個計劃嘅來龍去脈。新界嘅地係有好多歷史遺留落嚟嘅問題，而且有好多唔同嘅漏洞。當好多人以為政府制定政策嘅時候係公開咁諮詢意見，但係完來背後做咗好多不為人知嘅事。咁樣真係諮詢咩？頂多只可以話係有篩選嘅假諮詢而已。所以大家以為政府好似做緊嘢，但係背後原來私底下已經同好多人達成共識。
Also published on Medium.
