「銷售」
其實我真係唔係一個天生嘅銷售員，因為我講嘢真係唔叻，有時甚至開口夾著脷。不過好多時或者就係因為咁嘅原因，以前係公司又好，同其他公司又好，反而好多管理層都願意聆聽我嘅意見。當然唔係個個都想聽到事實，所以講到尾都係要包裝一下，令到個故事可以點到即止。不過近年真係好少有機會做一啲大型嘅會議，唔知自己仲有幾多斤兩呢？
「顧問」
其實點解我咁鍾意做顧問嘅工作？因為可以接觸到唔同嘅人，唔通嘅事，而係過程當中要處理無數嘅問題。當問題解決同得到客戶嘅認同，其實對我嚟講嚟樣嘢先至係最重要。要成功其實最緊要就係要真誠，因為太多天花龍鳳嘅嘢只會俾人有一個短暫而美好嘅期望，所以要實實在在唔使太過花巧。有時真係好懷念以前嘅工作，因為真係好有成功感！當然依家都有，只不過規模就真係好唔同。
「數據」
依家比起以前住最唔同嘅地方係多咗數據嘅元素。當然數據分析唔單止應用係網上世界，其實可以融合係好多唔同嘅地方。做咗咁多年數據分析有關嘅工作，都係近年先至有公司希望利用數據去轉型。雖然比起以前嘅處理規模有過之而無不及，但係慶幸嘅係自己有份參與其中！遺憾嘅係無法見證整個過程所以有啲可惜，但係希望會有更多嘅公司可以透過數據成功轉型。
Also published on Medium.
