「轉型」
以前係大公司都會幫好多唔同嘅企業轉型，而最大嘅問題都係歷史遺留落嚟嘅問題。通常遇到最大嘅問題係人，因為好多時都想一動不如一靜。唔變好過變，但係死守只會慢慢步向沒落。其實好多大企業都係有咁嘅情況，而轉型嘅時候有時真係好睇邊個負責去主導整個計劃。如果無辦法將過去嘅包袱放低，將所有嘢移平重新嚟過同將內部問題解決嘅話，失敗嘅機率真係好高。
「選擇」
要轉型好多時都係要睇決心，與此同時真係要瞻前顧後。要改變係要有所犧牲，不論係人事也好，業務也好，其實都好難抉擇。當然最緊要係邊個去帶領團隊去改變，有時就算要壯士斷臂都在所難免。不過係唔係間間公司都可以順利轉型？過去其實都有好多成功同失敗嘅例子，而通常失敗嘅企業都係因為放唔低過去光輝嘅一面。要破釜沈舟，真係唔係一件易事！
「問題」
香港實在有好多公司都開始轉型，而轉型所需嘅時間最起碼都要三五七年。係轉型嘅期間一定會遇到好多問題，所以有時要見步行步，唔可以太過離地。最緊要係穩定軍心，因為如果公司上下都唔係同一層面，就算你想變到變唔到。不過點變都好，最緊要保住公司嘅核心價值同本業，因為只要未死得都仲有機會翻身。透過數據其實可以知道轉型嘅方向係啱定錯，係必要嘅時侯係需要重新調整航道，返回正軌！
Also published on Medium.
