「分析」
老實講不經不覺自己已經係數據分析嚟個行業已經七八年，講真我都無諗過自己會咁專注係一個行業入面咁多年。好多人都會同我講係香港做數據分析係好難做，因為大家都好短視，而且無人重視數據。就算有都只係因為要交功課。但係就係因為難做先至做。如果取易捨難嘅話，其實自己真係可以輕鬆好多。何必要咁辛苦去教育市場，希望大家重視數據而將嚟個行業係香港發揚光大？
「分別」
之前不約而同有兩間媒體都問我乜嘢係數據分析師同數據科學家嘅分別。我用咗一個比喻就係研發藥物嘅科學家，同睇病開藥嘅醫生。做數據分析係有兩部份，而慢慢有好多問題其實已經慢慢變成眾所周知嘅事實。咁係唔係代表啲數據分析師慢慢就被淘汰？當然唔係，因為科技嘅進步，人類嘅行為會不斷改變，所以就算自動化都無用，始終數據係需要一個講故佬。
「職業」
事實上除咗數據分析師同屬於科學家之外，其實我發現兩者之間仲有一個職業。只不過就連我自己都唔知現代點樣定義嚟個職業。或者就正正因為嚟個行業太過新，所以仲係道不斷變緊。嚟個工種好特別嘅原因係佢又係醫生，亦都係科學家，啱啱就夾咗係中間。事關佢哋唔想太過離地，但係佢哋會快過科學家去研發到一啲新嘅理論，所以又要講故，又要分析，又要研發，真係好鬼忙！
Also published on Medium.
