「開心」
究竟乜嘢會令你開心？每個人都有唔同嘅標準，唔同嘅睇法。有時真係簡單啲，天真啲，亦都唔係一件壞事。人生不如意嘅事十常八九，點樣面對好視乎個人處事嘅態度。太過執著，太過介懷，太過堅持，太過在意，有時未必係一件好事。只要身邊嘅人開心其實做乜嘢都已經無所謂，因為無嘢緊要過同你同甘共苦嘅人，同你共患難嘅人。
「當下」
開心又一日，唔開心又一日，好多人都會咁講。人生總有唔開心嘅時候，有時真係無謂執著於一啲瑣碎嘅事物。現實係殘酷，但係只要正面咁面對，就算日子幾難過都好，就算聽日係人生最後一日，無論係點都無所謂。有時真係好佩服我個朋友面對問題嘅態度，雖然知道好多事都無法預計，但係仍然勇敢面對，令我反思人生嘅意義。
「人生」
好多人係人生入面都會諗過生死，當然後生嘅時候無人會諗過聽日會係自己嘅人生嘅最後一日。當然如果你知道你有機會走到人生嘅盡頭，你腦入面會諗啲乜？會浮現乜嘢畫面？當然無人希望身邊人唔開心，但係如果真係有日你要面對突如其來嘅問題，你又會點面對？嚟啲問題其實好似那遠這麼近，你真的開心嗎？唔好再俾無謂嘅事物連自己唔開心！
Also published on Medium.
