「打風」
其實如果天文台話會改掛八號風球，啲人先至鬆人返屋企，其實係唔係已經會有危險嘅呢？老實講如果天文台話未來一兩小時會改掛八號風球，係唔係應該所有人都已經要開始準備返屋企呢？不過如果知道會打大風，其實都無乜生意做㗎啦，倒不如早啲執嘢俾啲員工走人。安全最緊要，更何況今次真係食到正一正！
「玩嘢」
香港個天文台真係玩我哋嚟啲香港人。今次個風個個國家嘅預測都係話香港會吹到正，但係天文台永遠都要等啲人放工先至肯改掛八號風球。今晚我其實係要教書，真係唔通要搞到我教到一半先至改掛八號風球，仲要我山長水遠揸車返屋企。好彩嘅係教育局都未宣布取消夜間課程，學校已經打俾我話今晚堂課取消！
「制度」
當香港天文台宣告八號或更高之熱帶氣旋警告信號將於未來兩小時內發出，課堂繼續進行，直至八號熱帶氣旋警告信號正式發出時，則立即終止。如果學生係居住於離島及偏遠地區者可以自行決定是否提前離開！當然好多機構會彈性處理，不過都係果句啦，係唔係可以早少少決定呢？下次應該係未來兩小時內發出嘅話所有人應該返屋企？
