「苦瓜」
到底有幾多人會鍾意食苦瓜呢？有人覺得苦瓜好苦，有人人覺得苦瓜好甘甜。古語有云，吃得苦中苦方為人上人！真係唔係好多人識得欣賞苦瓜嚟樣嘢，其實同榴槤一樣，有啲人真係好憎食榴槤。不過都係嗰句啦，各花入各眼，每個人嘅喜好同口味都唔同。不過每個人嘅口味其實都會變，或者你嚟刻好抗拒之後就會好鍾意佢。世事無絕對嘅，好味嚟㗎嘢都係一樣！
「欣賞」
唔知幾時開始由一個唔鐘意食苦瓜嘅人，到一個鍾意食苦瓜嘅人，其實唔知係唔係學啲人話齋，人大咗，口味都會變咗。當然有啲人會話因為人生閱歷多咗，所以先至覺得苦瓜會甘甜。而家間唔中都會食苦瓜，有時甚至自己整苦瓜炒蛋。不過老實講，而家真係唔會覺得苦瓜係苦，仲真係覺得好好食。真係好奇怪，果然係要到咗某個年紀先至識欣賞！
「健康」
其實苦瓜嘅益處係有很多，而苦瓜係可以幫助降血糖。如果患有糖尿病嘅人，其實食苦瓜或者用苦瓜煲水當茶飲，都會有幫助。食苦瓜可以提高免疫功能。苦瓜味苦性寒，具有清熱瀉火嘅效果，苦瓜中嘅苦瓜甙和苦味素，本身就有改善食慾不振嘅效果，仲可以開胃健胃，助消化等優點！因此炎炎夏日熱到個人唔想食嘢，涼拌苦瓜係一個幾好嘅消暑良方。
Also published on Medium.
