「運動」
大部份嘅團隊運動都係要靠一個團隊嘅合作性先至會發揮到最佳嘅效果！藍球係咁，足球亦都係咁。正所謂波係圓嘅，未到最後一分鐘，其實都仲未可以分得到勝負。就以今年嘅歐洲國家盃為例，真係有好多驚喜。今屆嘅比賽亦都證明咗就算身價幾高嘅球員，技術有幾高超都好，如果只係靠一己之力其實係唔會走得遠。所以信任自己嘅隊友係好緊要！
「足球」
相信好多人今朝一早都有睇歐洲國家盃嘅總決賽，葡萄牙對法國。好多人都會覺得法國整體俾葡萄牙踢得好，雖然我唔係一個睇波嘅人，但係一啲大賽如果有直播咪睇下囉。睇咗一陣，其實都覺得葡萄牙踢得一般般。不過最可惜嘅就係見到基斯坦奴開賽無幾耐就俾人撞傷，被逼忍痛退下火線。不過最終葡萄牙係加時嘅時候射入勝利嘅一球。
「團隊」
當然波唔係一個人踢，雖然好多人話因為場波無咗基斯坦奴所以葡萄牙所以先至會贏。但係如果無咗佢，葡萄牙又點會可以踢到去決賽呢？其實睇得出佢俾人撞得好痛，而如果比著你或者你都好希望同隊波齊上齊落。老實講佢如果係頂到應該都頂咗！或者亦都係因為佢傷出，打亂咗法國嘅部署，所以先至有機會葡萄牙。點都好波係圓嘅，踢波唔係一個人嘅事。
Also published on Medium.
