「封閉」
一個封閉嘅人同一個封閉嘅社會，眼光只會注意當前嘅事同物，而往往忽略咗嚟個世界其實係好大。最大嘅問題係慢慢活係自己嘅世界，以為所有人都係圍繞自己不斷旋轉。自我同自大嘅問題日趨嚴重，情願人哋負佢好過自己負人。甚至因為一己嘅利益而罔顧其他人嘅權利。所以要踏出自己嘅安全網，去了解其他地方嘅風土人情同生活文化！
「視野」
好多時做人做事都應該放眼世界，因為唔同地方有唔同嘅人同事都值得我哋去學習。如果固步自封其實真係好難進步！尤其係啱啱出嚟做嘢，當然要趁後生去多啲地方。正所謂讀萬卷書不如行萬里路，去睇多啲其實係一件好事。如果可以嘅話就梗係去唔同大細嘅公司學習佢哋嘅營運同管理模式！視野太過狹窄，就算你有幾成功都只會係一隻井底之娃！
「全球」
現今嘅社會因為科技其實已經全球化咗好耐，而過去係唔同嘅地方或者唔同崗位工作嘅時候，慶幸有機會同唔同國家嘅人合作。因此了解唔同地方嘅文化，學曉同其他國家嘅團隊合作。每個地方都有佢哋嘅長處同短處，只要了解咗佢哋嘅特性，其實好多嘢做起上嚟都會事半功倍。好可惜嚟個世界太多人都會自以為是，以為世界真係只有佢哋嘅存在，無咗佢真係以為其他人會死！
