「考慮」
一般進行天台綠化，需要考慮泥土及水嘅重量，以及屋頂承托力問題。工程需要向屋宇署入則申請，經審批後先可以動工。就算提交嘅設計符合署方要求，但係如果動工時種植過量植被，鋪設太多泥土，都會令到屋頂超出負荷。與此同時亦要計算落雨嘅雨量，如果屋頂嘅排水系統出現問題就會導致積聚大量雨水，引致屋頂不勝負荷而崩塌。
「倒塌」
真係估都估唔到係香港都會發生冧屋頂咁大鑊，睇到篇新聞真係呆咗！有乜可能整個屋頂可以無啦啦倒塌？罪魁禍首係一個綠化嘅項目搞到個屋頂超出原本可以負重嘅能力！好彩嘅係當時無任何活動係個體育館入面舉行，如果唔係就會造成一個大悲劇！講真就算唔識建築都會諗到啦，係屋頂又要舖泥，又要種嘢，當初有無做過評估先知做綠化㗎？
「責任」
雖然係香港，屋頂做綠化係一個唔錯嘅方案。係石屎森林入面，總算可以有地方做少少綠化嘅工程。但係現時嘅制度會唔會有漏洞，而整個審批嘅過程係唔係需要作出檢討？今次嘅事件好彩無造成嚴重傷亡，但係真係十二萬分之幸運！試諗下如果當時體育館入面係進行緊考試嘅話，入面嘅學生好大可能無一倖免！而今次事件究竟會由邊個負責？
Also published on Medium.
