「黎明」
仲記得細個嘅時候經常聽黎明啲歌，而係四大天王入面佢應該係我比較鍾意嗰個。而佢嘅歌入面我最記得嘅應該係「我來自北京」同「今夜你會不會來」！點解？因為以前喺屋企有部機可以日唱夜唱！之後佢做嘅「回到未嫁時」同「原振俠」應該係電視劇中嘅經典，但係好似唔係太記得邊套電影佢叫做得比較好，最記得嘅應該係「玻璃之城」同「無間道」。
「贏晒」
今次黎明搞嘅演唱會真係真係史無前例。唔單止走出紅館，佢個表演場地係要係中環海濱重新起出嚟，真係勞師動眾，好大工程。點知準備演出前因為牌照問題被逼要取消。當然大家第一反應係食環署玩嘢，但係你估都估唔到黎明竟然親自拍片同大家道歉，而且同大家解釋係佢哋嘅問題，唔關政府部門事！老實講，今次佢真係贏晒！勇於承擔，唔似得啲人以為自己有特權，大晒！
「改觀」
講真後期嘅黎明真係唔係好討好，唔知係人大咗定係佢嘅新聞影響。不過點都好，之前有睇過啲票價，真心覺得有啲貴，所以無諗住去睇。但係近排佢好似有啲改變，經常上載啲搞笑嘢上社交媒體。而今次雖然演唱會有啲阻滯，但係佢真係一鋪翻身！勇於面對問題，勇於承擔責任，真係令好多人刮目相看！希望佢哋可以好快搵到識合嘅材料通過審批啦！祝演唱會成功！
Also published on Medium.
