「人類」
係地球上嘅所有哺乳類動物都係靠母乳去孕育下一代，而人類其實亦都係哺乳類動物嘅一種！係呀，人類係哺乳類動物，只不過人類係靈長目系！唔信你自己去搵下資料！所以當嬰兒出世之後媽媽嘅身體會作出改變，亦因此會製造母乳給自己嘅下一代！但係唔知幾時開始，我哋嘅社會開始忘記咗嚟件事，慢慢亦覺得餵哺母乳係一件萬惡不赦嘅事！
「哺乳」
係香港，個個係度話我哋好文明，又批評人哋唔文明，但係偏偏就連餵哺母乳都接受唔到，咁講乜嘢文明呢？首先母乳餵哺嘅媽媽係好辛苦，而我哋所謂嘅文明社會竟然覺得餵哺母乳係一件唔見得光，影響市容嘅事。其實真係有乜嘢大不了，只不過係依家嘅世俗眼光同所謂嘅道德觀念而引致一個基本孕育下一代嘅權利都要被人說三道四，被剝削。真係離晒譜！
「文明」
作為一個男人真係無可能明白母乳餵哺有幾辛苦，有時甚至乎感到無奈，因為我哋係無辦法取代媽媽嘅角色，而且我哋好多嘢都束手無策。如果我要你去廁所食嘢你都未必肯啦！先唔好講乾唔乾淨，廁所本身就已經有好多細菌，咁點解啲人可以叫啲媽媽去廁所餵奶呢？原來我哋所謂嘅文明社會就連簡單嘅衛生常識都無，莫講話尊重同體諒其他人！
Also published on Medium.
