「成功」
咁多年嚟我培訓過嘅人唔少，而好多時都會留意佢哋自身嘅品德。正所謂少年得志，語無倫次！好多時亦因為天時，地利，人和，而帶俾佢哋名譽，財富，地位，權力！因此不知不覺劍露鋒芒，以為真係一人之下萬人之上。而如果你問我點樣先至係作為一個成功嘅人，除咗別人嘅肯定自己嘅能力之外，其實謙虛係好緊要！
「特點」
過去我都見過好多成功嘅人，而佢哋都有一個特點就係謙虛！當然面係人哋俾，架係自己丟，就算你幾叻都好，如果太過高傲，太過自我，其實就算你幾有料都好，人哋都會覺得你自以為是同囂張。所以有時就算一個人幾有能力都好，如果因為環境造就佢嘅成功，其實好容易就會自以為是，有風駛盡你，恃勢凌人！嚟啲情況如果係我團隊入面發生，我會選擇去鋤下佢嘅銳氣！
「謙虛」
正所謂一山還有一山高，剎那嘅光輝不是永恆，做人處事一定要謙虛！當然你可以為你自己嘅成就而驕傲，但係要驕傲又唔會劍露鋒芒，我諗好多人都覺得好難。當你勢不饒人你會發現好多機會捨你而去，反而當你學曉謙虛機會就會自自然然走埋嚟。雖然有時候係應該表現自己，但係好多時都要識可而止！成功與否真係好取決你自己嘅態度！
Also published on Medium.
