「飛機」
跳飛機係一種細路仔嘅遊戲，只要畫個飛機形狀嘅圖，跟玩法喺上面跳就得。個圖形通常似雙翼式飛機，圖形通常有九格，而每一格有一個號碼。跳飛機最早喺羅馬帝國統治時期嘅英國出現，用嚟訓練羅馬兵。羅馬兵要著晒成套好重嘅盔甲嚟跳，練平衡、步法。之後羅馬兵嘅仔仔女女就有樣學樣，自此嚟個遊戲慢慢傳遍歐洲。跳飛機喺香港亦曾經相當流行，當時香港幾乎所有兒童遊樂場同小學操場都會有跳飛機嘅位。
「兒時」
有幾多人細個嘅時候有玩過「跳飛機」呢個遊戲？我相信都要同我差唔多年紀嘅先至會玩過。其實我印象中好似有好多玩法，但係邊種玩法先至係正宗我真係確實唔知，淨係知道要單腳跳。今時今日係香港仲可以係邊樹搵到「跳飛機」。就算有，我諗依家啲小朋友都未必識玩。講真我哋細個真係簡簡單單都可以玩一餐。邊似得依家啲小朋友咁幸福。
「玩法」
遊戲通常由第一格開始，玩家首先拋一條手鏈入第一格，然後扐起。之後，拋手鏈入第二同三格，然後單腳跳入第一格，然後順序到手鏈之前嘅一格，執起手鏈。第四、五格同第七、八格係一對並排嘅飛機翼。執起喺第六格或第九格嘅手鏈時，雙腳分開企響呢兩格之內。執第九格時，雙腳一齊踩第七第八格之後，要跳起轉身背著第九格，然後伸手摸手鏈，摸倒扐起，跳返起點。
Also published on Medium.
