「官威」
一件行李就已經可以睇到乜嘢叫做官威！但係區區一個香港特首真係以為自己大晒，其實到最後都只係中國咁多個省市入面嘅一個非常渺小嘅行政長官。佢真係憑乜嘢覺得自己可以目無法紀，想點就點！要人哋叫你做特首都要人哋心入面服至得㗎！就算人哋唔叫你做特首，講真香港有邊條法例列明見到你一定要叫你特首先？梁生，唔該你唔好以為真係一人之下萬人之上啦！
「行李」
今次漏行李事件可以正明出嚟幫梁特首講嘢嘅人都係無常識嘅人。如果大家漏咗行李通常有幾樣野可以做，第一就係重新入境然後再出境，第二就係搵地勤幫手睇下可以點樣處理，第三就係搵屋企人或者朋友去認領同保管。我真係無聽過可以搵地勤人員去幫手囉件行李去安檢再交俾行李嘅主人。如果係咁啲恐怖份子咪好容易有機可乘？最好笑嘅係，今次所有出嚟解畫嗰班人竟然係話「條法例有問題」，「呢個係正常處理手法」。真係我可以為香港市民係蠢至得㗎！
「特權」
風穴來風未必無因，唔通無啦啦有人咁無聊去做你咩！真係乾脆認咗去咪算囉，而家真係一發不可收拾！因為我相信總有人係會漏咗行李係禁區之外，不過我亦相信我哋係唔會得到同樣嘅待遇。佢真係以為自己係特首就大晒，指下自己個鼻就乜都得。咁唔通佢犯咗法又可以話佢係特首所以唔拉佢咩？真係唔好當香港市民係白痴囉，話無大石砸死蟹真係唔會有人信囉！等我下次又試吓留低啲嘢叫人拎返俾我先！
Also published on Medium.
