「地球」
依家事無大小，每當天氣有極大改變同變化嘅時候，大家都會話係同全球的氣候暖化有關。但係又會有幾多人真係會關心點解地球暖化？當然好多科學家都會對於氣候改變有不同睇法，不過無可否認依家嘅天氣真係好反常。所以「地球一小時」嘅真正原意係喚醒大家對全球暖化嘅關注以及環保意識，而試問全球仲有啲乜嘢活動可以令大家關注「全球暖化」呢？
「暖化」
唔知點解今年好似唔多覺有關於「地球一小時」嘅宣傳。係我無乜出街，睇唔到廣告？我都係直至前幾日係屋企嘅大堂先至見到「地球一小時」嘅海報，而且今年好似就連社交媒體上面都無乜宣傳。如果唔係睇到某啲朋友分享真係唔記得完來係今晚。其實熄燈一個鐘頭真係唔係一件好難嘅事，背後有無實質效益雖然無人知，但係最起碼傳遞咗一個好重要嘅環保訊息。
「訊息」
好多人都會質疑「地球一小時」其實係唔係真係可以減少碳排放，因為之前有人發表過一篇文章話其實如果所有人熄晒啲燈，而當大家一個鐘頭後再開番燈嘅時候，其實所需要用嘅能源其實係比起唔用電一個小時更大。雖然係有咁嘅理論，但係個人認為背後嘅訊息其實更加緊要。因為如果全世界嘅人都會因為嚟個活動而更加注意佢哋每日嘅生活，其實嚟樣嘢先至更加重要。
Also published on Medium.
