「了解」
其實係嚟個世界上最了解自己嘅人應該係邊個？我相信大家嘅答案都會話係自己，不過好多人亦都會話係自己身邊嗰個。但係就係因為往往諗住自己嘅另一半係最了解自己，所以好多嘢慢慢就變得理所當然。你以為好多嘢唔洗講佢就會明，但事實係有時一啲都唔明。人與人相處耐咗就係咁，好多嘢變成咗習慣，所以點解有時自己都唔會明白自己，未就係咁囉！
「習慣」
人大咗其實係越嚟越唔想講嘢，因為好多嘢講咗其他人都唔會明。當然其他人點唔明都好，自己其實最希望嘅係另一半唔講都明。咁係唔係我哋諗多咗？其實就係正正因為佢係身邊最親嘅人，所以希望事無大小都可以粒聲唔出佢都知道你嘅諗法。其實好多時就係因為咁，好多嘢以為唔講就明，誤會同矛盾亦都因而誕生。所以就算懂你嘅人都有不懂你嘅時候！
「自己」
我其實真係唔係一個乜都拎出嚟講嘅人，或者真係好習慣自己問題自己解決。好多嘢都唔想麻煩到人，因為始終係自己嘅事。況且好多時講完人哋都未必明，咁多一事不如小一事，慢慢好多嘢其實自己食咗都冇人知。所以有好多問題如果唔係去到我無法處理嘅地步，一般我都唔會點講。最多都係一句起兩句止！
