「街市」
作為一個會買餸煮飯嘅人嚟講，識買嘢嘅就當然會去最附近嘅街坊街市去買！事關除咗乜都有之外，價錢嘅性價比真係超讚！更重要嘅係大部份嘅人都好好，服務態度一流，如果買得多，熟絡咗嘅話，真係會吹多兩咀。不過係大型嘅超級市場買到嘅食材通常都會比較貴，而且唔一定靚。所以如果真係會煮飯嘅人通常盡量都會係街市搞掂。除非你想買一啲外國食材，否則街坊街市真係一應俱全！
「長發」
以前都未必感受到屋村街市嘅優點，好多人覺得好污糟邋遢，濕淋淋，但係我真係覺得嚟啲街市先知有人情味！只不過啱啱搬咗去青衣一個月多啲，附近嘅長發街市就話係年初八擺市一個星期。真係認真誇張！我自己買嘢嘅時候都八卦問吓啲商戶，佢哋都話領展係完全無知會下，將個街市嘅營運外判咗俾另外一間公司。到時樣樣都加，最終未影響我哋嚟啲市民囉！
「建華」
好多人都未必知道建華嚟間管理公司係啲乜東東。其實如果大家有留意係農曆新年期間，屯門良景邨所謂嘅「管理員」以暴力拘趕小販，其實由領展建議交俾街市嘅外判商「建華」負責。根據《壹週刊》2015年報導，建華集團係全港有五百個零售點。一方面做領展街市嘅管理商，控制租金上落，一方面引入其集團持有嘅肉檔進駐，以「又做管理又做商販」嘅一條龍模式主導價格及租金。
