「大學」
點解要去教書，無他嘅，因為覺得凡事都要從教育開始。以前就話香港好少人做數據分析，而且無乜嘢地方有培訓課程。所以當香港某間大學邀請我去教書嘅時候我二話不說咁答應咗！不知不覺已經踏入第五年，而當然希望可以提高下一代對數據分析嘅興趣。最希望嘅就當然係我啲學生可以將我所教嘅嘢，用係每一日嘅工作入面，讓更多人了解數據嘅重要性！
「教書」
其實我唔係唔係已經轉咗行呢？好似而家教書先係正職咁樣。老實講教書係為咗希望更多人了解數據分析，而今次真係多謝前輩推薦我比呢個朋友同機構。今次同以往唔同嘅地方在於大部份嘅人都應該係已經出咗嚟做嘢，而且想加深數碼營銷嘅知識。與此同時，大部份嘅講師都係大有來頭，真係感激有咁嘅機會去分享更多數據分析嘅知識。當然自己亦有好多進步嘅空間啦，希望各位多多指教！
「培訓」
除咗係大學同一啲機構做客席講師之外，當然今年自己公司都有另一個重大嘅方向就係培訓！雖然坊間有好多唔同嘅地方都或者會講數據分析，但係一個有系統性嘅培訓好似就仲未有。好多時客戶或者身邊嘅朋友都會問我點樣入行，同係邊度有得讀關於數據分析嘅課程。講真香港都淨係見過一兩個地方講啲好皮毛嘅課程，所以希望公司今年可以提供更多同數據有關嘅課程俾大家！
