「洗版」
今日又係俾人洗版嘅一日。今日有乜嘢大事？未就係因為伊隆馬斯克（Elon Musk）嚟咗香港同出席咗一個創業論壇。佢係邊個？如果你唔識佢都真係幾大獲。因為好多人用嘅電子付費平台 Paypal 其實佢係創辦人之一。與此同時大家都會係電視睇過或聽過再回收火箭 Space X，而 Elon Musk 係執行長兼首席設計師。仲有佢係特斯拉汽車（Tesla）嘅合夥創辦人同總設計師！
「創業」
今日香港投資推廣署舉辦嘅創業論壇邀請咗 Elon Musk 做嘉賓，而好多人都話一票難求，事關你首先要被邀請。身邊好多朋友都有出席，所以其實就算去唔到都無問題，因為大家都已經分享晒啲重點。不過有一條連 Elon Musk 都答唔到嘅問題就係當主持人問佢會唔會擔心中國政府會唔會係電動車行業偏袒內地公司嘅時候，佢選擇不予置評。我相信大家都知道佢心入面嘅答案係乜！
