「創業」
創業好多時都係講求一個字，就係快！正所謂快人一步理想達到，只不過係唔係快就代表一定成功？有時其實快係無用，因為市場仲未成熟，就算你快過人又點？根本上無需求，咁同食穀種係無分別，除非你覺得有一日你嘅產品或者服務有市場需求，只不過有可能係無了期咁等。所以如果淨係得個快字係無用，快都要睇時候。當然有時都要睇行業嘅性質，就好似一啲餐飲業，佢哋真係要靠個快字！
「人才」
好多時其實我都會行快咗，就好似數據分析咁，係香港我真係行快咗好多。但係當市場好似起步嘅時候，競爭對手亦都好似湧現，所以要再俾人行前多一兩步。只不過當時亦都會衍生更多嘅問題，而最難解決嘅係人才問題。借用一個前輩嘅一句說話「情願無咗個客，都好過無咗個員工」！要快人一步其實講緊嘅係人才先至啱！如果唔係你想快都幾難！
「矛盾」
有時做開荒牛係好辛苦嘅一件事，但係如果成功咗，你係唔會後悔之前所放棄嘅嘢。不過有時係好矛盾，因為你行得太快而好多人都未必明白。與此同時辛苦過後未必可以如願以償，有時要好多年嘅時間先至到收成期。但係點都好，先到先得，快又快好，慢有慢好，每個人都有自己嘅決定。快真係未必一定贏，仲隨時損手爛腳，真係攞嚟賤。
Also published on Medium.
