「台灣」
去舊立新，四年過去蔡英文再次挑戰總統之位，但係今次終於兌現佢嘅承諾將四年前落敗嘅時候大家嘅淚水變成笑容！台灣過去嘅問題其實同香港都係好相似，但係台灣最起碼可以一人一票選總統，命運完全係掌握係台灣人嘅手裡面！今次民進黨完完全全擊敗國民黨，好明顯反映咗民意，而台灣人求變嘅心態係今次嘅選舉結果話俾全世界聽！台灣新嘅時代來臨，唔知幾時先到香港呢。。。
「選舉」
台灣停滯咗八年，今日終於揭開新嘅一頁！相信好多人都唔會對蔡英文當選感到意外，只不過無人諗過國民黨會輸得咁慘烈！當然周子瑜嘅事件亦都令更多台灣人去投票。蔡英文又係六八九，梁振英又係六八九，點解有咁唔同？因為人哋係民選，我哋係小圈子選！因為人哋係六百八十九萬，而唔係六百八十九票！就正如蔡英文講「台灣等於民主，民主等於台灣」所以香港離民主仲有好長嘅路！
「新機」
台灣人終於用自己手入面嘅一張選票幫佢哋帶嚟改變同新嘅機會！貧富懸殊，樓價高企，經濟發展等等嘅問題雖然未必一日可以改變，但係最起碼有新嘅希望！民主嘅力量再次話俾大家知道有幾重要！今次選舉除咗係台灣一次有女總統之外，亦都係一個新嘅里程碑。因為大陽花事件促使新黨派嘅霧氣，而且證明咗新嘅時代開始。台灣除咗藍營，綠營之外，依家仲有黃營！再一次恭喜蔡英文，希望你唔好辜負台灣人對你嘅期望！
Also published on Medium.
