港長者


個人分享
Tagged With: , , , , , , , , ,

「人口」

其實好多地方都有人口老化嘅問題。但係點解會咁?因為第二次世界大戰之後有一個嬰兒潮。如果你計返轉頭個班小朋友而家都最少都六十幾歲,就係因為咁所以人口老化問題日趨嚴重。當然香港亦都唔例外啦,所以而家好多人都講緊人口老化等退休嘅問題。而一般嘅退休年齡係大約五十五至六十五歲,所以其實退休之後仲有十幾二十年甚至三十年嘅生活要兼顧。

「退休」

現今嘅社會真係可以完完全全咁話退休?其實真係「退而不休」因為就算你做到六十五歲,講真你可唔可以淨係靠強積金支持你嘅退休生活。先唔好講你有幾多錢,因為錢好多時都會隨著時間而貶值。況且加上物價上漲,基本上就算啲錢唔貶值,都好難維持以前嘅生活水平!如果你有睇最近一啲時事節目,見到啲公公婆婆仲要去執紙皮,天未光去改變賣嘢,你就知個問題係邊。

「政策」

點解大家勞累一身,到最後都唔可以安享晚年?係社會嘅問題,係政策嘅問題,定係個人問題。你可以話啲人無為退休打算,但係事實上唔係個個人都有咁嘅能力。所以係唔係打一世工就可以搵到足夠嘅錢去退休?可想而知唔得啦。所以我真係唔希望「退而不休」,嚟個亦都係我創業同創造品牌嘅原因。因為可以長久,而且真係要考慮當自己無能力搵錢嘅時候,最起碼有自己嘅公司。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Click to share on Facebook (Opens in new window)Click [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Click to share on Facebook (Opens in new window)Click [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Click to share on Facebook (Opens in new window)Click [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Click to share on Facebook (Opens in new window)Click [...]