「時間」
人嘅一生其實失去的係應該比得到的更多。好多事同物都會俾時間慢慢咁逐少逐少咁吞噬。就算你出盡九牛二虎之力，意圖改變嚟啲殘酷嘅現實，因為基本上係無可能。所以我哋應該要學識點樣去面對每日我哋都有可能失去嘅事物，但係唔代表順來逆受。有時你越唔想失去嘅嘢偏偏就會好容易失去，所以何必執著得失，因為有時以為係失但係其實係得。何必計較咁多呢？
「失去」
你有無試過諗下自己一生失去咗嘅有幾多？金錢？愛情？事業？朋友？家庭？時間？健康？好多時真係數之不盡，但係有時又諗下如果當初無失，今日嘅自己又會係點呢？人就係咁，經常會話自己失去咗好多嘢，而我當然都係其中一個會諗自己過去失去咗啲乜，只不過我好多時亦都會諗我之後可以攞得返。當然人大咗先知道有啲嘢真係失去咗就失去咗係無得返轉頭。
「害怕」
每個人都會害怕失去某啲嘢，我當然亦都例外。我最驚失去啲乜？當然係我嘅另一半啦，因為其實應該佢先係最清楚你嗰個，但係當愛情變成感情甚至親情，自自然然就會覺得好多嘢都應該知，應該明。但係諗深一層，最清楚自己嗰個始終係自己，所以唔好覺得關係耐咗就真係乜都唔講就知。其次就當然係家庭，因為家庭永遠係最好嘅避難所，無論事情去到幾懷都好，家永遠係家，而家係一個無私嘅地方。
Also published on Medium.
