「文章」
唔經唔覺寫嘢已經寫嘢都一段時間，而點解要堅持寫文其實係因為一樣嘢，就係數據！文字同數據嘅關係其實好密切，唔單止係點擊率，收視率咁簡單。其實係當中發現咗一啲好特別嘅生態。事關要吸納多啲讀者，係面書發佈文章係在所難免，而除咗大家已知嘅發文時間之外，其實我仲有一樣發現，就係面書嘅其中一個曝光率嘅現象。相信講你都唔信會有啲咁特別嘅現象。
「問題」
事關我寫文係有一個特定嘅模式，而呢個模式一直無改變，所以做到嘅測試同數據係好多品牌同媒體都冇辦法得到嘅數據。當然係面書大家追求嘅就當然係唔買廣告嘅情況下增加曝光率，但係經過幾次嘅調整，依家大部份嘅專頁面臨焗住俾錢嘅狀態。所以唔知係我嘅錯覺定係大家都有注意到嘅問題，希望同大家分享下我觀察到嘅現象，等大家可以避免投資係一啲不必要嘅文章身上！
「現象」
首先我一定唔會俾錢推廣文章，因為多曝光率唔代表有更多讀者，而且係好睇題材。同時因為你投資嘅金錢係一次性，就算有好多嘅曝光率，但係用戶唔一定會變成你嘅粉絲，所以之後就算你發佈新嘅文章，佢哋都未必睇到。另外每當某一篇文章突然有好高嘅曝光率，之後幾日曝光率都會大跌，但係慢慢又會回到去正常水平。當然咁嘅情況唔係一次半次，而係大部份時間都有咁嘅現象，而且同文章嘅題材無太直接嘅關係。咁你知道點解你會俾錢面書啦！
