「權利」
作為一個香港人，只要你年滿十八歲就有資格去登記做選民去投票。雖然香港唔似一啲國家，規定你一定要去投票，因為嚟個係一個公民責任，如果唔投票就會俾人罰款。而係香港當然係自願性質，所以個話事權係每個香港人身上。當大家覺得而家嘅制度有問題嘅時候，一個普通市民可以做嘅就係希望通過選舉，自己嘅一張選票去改變個社會。或者到最後未必可以改變到，但係最少唔可以放棄發聲嘅權利！
「投票」
你今日投左票未？其實投票係一件好快嘅事，真係五分鐘搞掂。不過有時真係有啲難揀，因為啲候選人都唔係太啱心水。不過唔投唔投還需投，揀無可揀還需揀！最少希望有改變，不過有時老社區，舊香港，人情味重，最重要嘅就係街坊街里，好多時都係投票俾熟悉嗰個。但係唔變就代表好？變咗就一定唔好？當然無人知，但係唔變又點會知呢？所以我寧願變！唔好浪費自己發言嘅權利！
「黨派」
其實要改變，可多時都要係社區做起。而今次選舉係雨傘運動之後嘅第一次選舉，所以又係各黨派決戰嘅時候。講真唔知今次嘅結果係會點，只係覺得唔係個個選區都可以揀到自己想揀嘅。好多時有啲係無黨派，其實只要做下啲功課，其實佢哋嘅政治取態係好明顯。所以真係唔好咁天真以為佢哋無黨派，事實上有好多都有政治取向。點都好啦，就算唔知點揀，最少都去投票俾你覺得比較好嗰個啦！
