「香港」
之前好多人講香港可落後，事實上真係幾落後，因為過去咁多年大家都係為生活而搵錢，做資訊科技嘅機會同出路比起外國真係一個天一個地。十幾年前嘅人工其實到今時今日都係一樣，咁證明企業本身就唔重視嚟類嘅人才，所以無發展嘅空間。要加人工就得一個選擇就係跳嚟跳去，如果唔係好多時經濟唔好，企業第一件事係由資訊科技有關嘅部門開刀。過去咁多年都見唔少。
「人才」
你話香港無人才？其實唔係，只不過佢哋唔會選擇留係香港。大部分有能力嘅其實已經走晒，同時香港係教育方面亦都追唔上外國。大學畢業出嚟，個個基本上要重新教育過，而且唔係個個後生都捱得。以前我哋日以繼夜，夜以繼日咁不斷做，不斷學。但係依家個個都係用打工為兩餐嘅心態去過活。與此同時香港好多公司都唔會大力投資新科技，因為免得做多錯多。所以問題唔係無人才，而係點培訓人才同挽留人才！
「問題」
講到科技當然有好多香港研發嘅產品，但係真係好少數。而且好多人都唔希望做白老鼠，下下等其他公司試咗先，免得孭鑊。再唔係就覺得科技唔值錢，咁點嘅次次有新手機出嘅時候，個個爭住去買？要發展科技係要好多嘢要配合，最基本就係由教育開始。而科技唔係淨係背書就得，要不斷嘗試，不斷學習，今日唔知聽日事，個世界不停咁改變。所以唔係可以一時三刻可以改變嘅嘢。
