「三柱」
係好幾年前其實已經有咁嘅諗法就係我理想嘅公司架構係應該點，而我一直都認為係有三個部份。而家公司所有嘅工作係提供數據分析服務同諮詢嘅工作，而嚟一部份係最關鍵嘅一個部份。而第二樣嘢就係培訓，因為要推動數碼分析，其實培訓係好重要，因為要教育市場唔係一兩日嘅事情，所以一直透過其他渠道去實踐嚟樣嘢。最後就係產品，亦都係我最後先做嘅嘢，因為風險大高！
「生態」
要分散風險同創造生態係好多公司想做嘅嘢，因為整個服務鏈就可以發揮互補嘅作用。而我希望有日會創造到三支核心嘅柱躉，「服務」，「培訓」，「產品」。但係我最怕嘅就係「產品」，事關投資可以好高同無辦法計算經濟效益，好容易搞到損手爛腳。所以就一步一步向前行，而嚟一刻係要靠服務去穩定現金流同市場嘅地位，之後就係培訓同推廣業界，而五年過去其實仲係起緊第一條柱。
「方向」
當然每間公司有唔同嘅發展方針，所以大家嘅柱躉一定會有唔同。而有啲公司唔止得三條咁少，只不過嚟刻自己嘅諗法都係維持係一個三角關係嘅模式。當然係每條柱自己本身就已經要靠好多嘢去支撐，所以點解五年過去都仲係搞緊第一條柱。而有時其實起嚟啲柱躉唔一定要吓吓親力親為，如果搵到好嘅合作夥伴，其實可以快好多，只不過到嚟刻仲未搵到。都係果句啦，有啲嘢急唔嚟！
