「父幹」
今日係網上面睇到一間公司做內容推廣，而佢嘅手法都幾特別。因為佢嘅對象係一班父母，而啲內容亦都做得唔錯。但係令我令意到嘅其實係一位朋友嘅動態內容，「今時今日，爸爸不易做，要做好爸爸更難。各位爸爸，大家努力、加油！」同佢分享嗰條「成長需父幹」嘅短片。而佢句我覺得好百搭，因為可以將「爸爸」改成「媽媽」，「老公」，「老婆」，「老闆」，等等。。。
「親子」
當然個仔出咗世之後，好多時間同精力都去咗照顧佢，而趁著老婆仲未返工就好努力咁去見多啲客同希望簽到多啲項目返嚟。當睇完條「成長需父幹」嘅短片之後，無諗過原來爸爸陪伴自己嘅小朋友長大係會對對佢有咁大影響。原來爸爸係小朋友成長過程入面可以提高佢唔同嘅能力，包括「性格」，「語言」同「學歷」。當然唔係話睇完就算啦，之後都係最好都係上網搵下同驗證下資料來源嘅真確性。
「自己」
之前都講過希望盡量自己湊返個仔，但係而家仲未搵到一個合適嘅模式。當然樣樣嘢都係為佢好，有時佢真係玩死佢阿媽同阿爸。突然好好湊個仔唔知去咗邊？但係而家每日起身，同佢傾計，佢都會俾好多反應你仲要同你講嘢。真係有時嬲佢唔落！當睇完條片之後，好多時都會同一啲身邊嘅朋友講唔好淨係做做做，要陪多啲自己嘅仔女，唔係佢大個咗就後悔。而家唯有頂硬上啦！
