「港姐」
香港小姐從一九七三開始到而家已經有四十二年嘅歷史，而香港小姐選舉嘅口號係「美貌與智慧並重」。傳統首先係千幾名報名者當中篩選出二十個人出嚟，之後就通過電視直播進行準決賽，再揀十二個人進入決賽。而近年已經再無舉行準決賽，改為直接舉行決賽。當然唔少參加香港小姐選舉嘅女仔都一夜成名，一係就入咗娛樂圈做戲，一係就嫁入豪門寄身名流。
「無綫」
今晚又係一年一度嘅「香港小姐」選舉，而問心一年比一年差。當然仲有好多人一邊睇一邊鬧，不過睇返咁多年就算有啲無得獎嘅參賽者，有啲都有係娛樂圈度發展。不過我成日都有一個問題，嚟個問題就係有啲好高學歷嘅參賽者得獎之後就放棄咗原本嘅職業。當中我諗郭藹明係一經典嘅例子。因為佢除咗擁有美國南加州大學讀雙碩士學位，佢仲係美國太空總署做過見習工程師！
「投票」
最最最令人深刻嘅就當然係二零一二年嘅香港小姐決賽！因為當年號稱一人一票選港姐，而原本無綫打算係評判選出最後三強之後，再由網民係十分鐘內以一人一票選出冠軍。但係由於服務器出現嚴重擁塞，結果個年嘅香港小姐最後都係要由評判選出！當然就預咗嚟件事會發生㗎啦，因為作為一個開發人員都知道係咁短時間有咁大流量嘅話，個服務器就要預早做好測試。希望今年會好啲啦！
