「醫院」
近期除咗因為郭家大少出世同老婆入院開刀之外，亦一因為爺爺早幾日係屋企跌到而出入醫院。而早幾日醫生，出奇地俾我爺爺出院！點解我會用出奇嚟形容？雖然做咗檢查，大至上無大問題，但係爺爺對腳就連落床嘅能力都無！咁點解可以批准佢出院呢？況且一直戶都仲末搵到點解對腳無力嘅真正原因！政府醫院都真係得㗎啦！
「醫療」
今晚我再一次要去醫院，事關今晚嫲嫲打電話俾我話爺爺嘅血壓好高，所以第一時間就叫佢叫十字車送佢去急診室先。因為我哋又唔係醫生，況且爺爺返咗屋企嚟兩日都一直只可以瞓係床到起唔到身，所以返去醫院檢查淸未必唔係一件壞事。雖然政府醫院啲質素真係流到無朋友，但係最起碼係醫院有多啲人睇住爺爺，點都好過得嫲嫲自己一個照顧佢！
「公共」
講真我對政府醫院十分之無信心，因為每次講嘅嘢都唔淸唔楚，做又做啲唔做啲！有時真係火都嚟！點都好，最起碼今次爺爺入院可以檢查清楚，到出院嘅時候可以最少企得返起身！真係希望可以出入醫院少啲，因為入得醫院都唔方好嘢。希望今次爺爺可以快啲出院，健健康康，快快樂樂！個曾孫等你出院同佢玩㗎！
